تیپی پاسکیل سوارانی ئێران لە کێبەرکێ جاددەییەکانی پاڵەوانەتیی ئاسیا میدالیای برۆنزی بردەوە
ئادار 25, 2022 19:13 Asia/Tehran
نوێنەری ئێران لە یەکەم ڕۆژی کێبەرکێکانی پاسکیل سواریی پاڵەوانەتیی ئاسیا لە «تایم ترێل تیپی»دا میدالیای برۆنزی بردەوە.
بە پێی ڕاپۆرتی ھەواڵدەریی ڕادیۆو تەلەفزیۆن، تیپی ئێران بە پێکھاتەی «میرسەمەد پورسەییدی»، « بیھنام ئاریەن»، «موحەممەد ئیسماعیل چایچی» و «موحەممەد گەنج خانلو» لە پاسکیل سواریی جاددەی پاڵەوانەتیی ئاسیا» خەریکی ململانێ بوون کە لە کۆتایی دا دوای تیپەکانی کازاخستان و مەنگۆلیا لە پلەی سێھەم دا گیرسانەوە.
حەوتی تیپی کازاخستان، مەنگۆلیا، ئێران، ئوزبەکستان، ئەندۆنێزیا، هیند، عێراق لە بەشی تیپی «ترێل تایمی تیپی»دا بەشدار بوون.
