کۆماری ئازەربایجان بوو پاڵەوانی زۆرانی ئازادی ئەورووپا
نیسان 01, 2022 11:46 Asia/Tehran
کێبەرکێکانی زۆرانی ئازادی پاڵەوانەتیی ئەورووپا بە پاڵەوانەتیی ئازەربایجان لە شاری بوداپێستی ھەنگاریا کاری خۆی کۆتایی پێ ھێنا.
بە پێی ڕاپۆرتی ئیرنا، لە کۆتایی ئەم کێبەرکێیانەدا کە تیپی ڕووسیا تیای دا بەشدار نەبوو، تیپەکانی ئازەربایجان بە دەستخستنی میدالیایەکی زێڕ، چوار میدالیای زیوو میدالیایەکی برۆنز و ١٥٩ خاڵ وەکو پاڵەوانی ئەم کێ بەرکێیانە ناسێندرا.
ھەر لە ئەنجامی ئەم ململانێیانە تورکیاش بە دوو میدالیای زێڕ، میدالیایەکی زیوو سێ میدالیای برۆنز و دەستخستنی ١٤١ خاڵ وەکو جێگری پاڵەوان دەرکەوت و ھەروەھا گورجستانیش بە میدالیایەکی زێڕ، میدالیایەکی زیوو چوار میدالیای برنز و دەستخستنی ١٣٣ خاڵ پلەی سێھەمی بەدەست ھێنا.
