بۆ یەکەم جارە گۆڕانکاری لە نەریتێکی مۆندیال دا دەکرێت
نیسان 03, 2022 12:38 Asia/Tehran
جامی جیهانیی 2022 ڕێکەوتی 21ی نۆڤەمبەر بە ڕووبەڕووبوونەوەی نێوان سەنیگال و هۆڵەندا دەستپێدەکات، کە ئەوەش یەکەمین جارە لە مێژوودا دوو هەڵبژاردەی میوان دەست بە چالاکییەکان بکەن.
بەپێی پێوەرە ئاسایییەکانی مۆندیال، دەبوو لە یەکەم یاریی مۆندیالی 2022 قەتەر میوانداریی ئیکوادۆر بکات، بەڵام لە پرۆگرامی یارییەکاندا دەردەکەوێت قەتەر سێیەم یاریی مۆندیال ئەنجام دەدات.
بە درێژایی مێژوو نەریت بووە یاریی دەستپێکی مۆندیال لەلایەن هەڵبژاردەی وڵاتی ڕێکخەرەوە بکرێت، بەڵام لە مۆندیالی قەتەری 2022 یاری نێوان قەتەر و ئیکوادۆر کاتژمێر حەوت بە کاتیی هەرێمی کوردستان لە یاریگای (البیت) ئەنجام دەدرێت، پێش ئەو یارییەش دوو یاریی دیکە لەنێوان سەنیگال و هۆڵەندا لە یاریگای (ستاد الثمامە)، هەروەها یاریی ئینگلتەرا و ئێران لە ستاد خەلیفە ئەنجام دەدرێ.
