کێش ھەڵگری ئێرانی لە کێبەرکێی پاڵەوانەتیی ئاسیادا سێ میدالیای زێڕی بردەوە
تشرینی یه‌که‌م 16, 2022 15:27 Asia/Tehran
کێش ھەڵگری ئێرانی لە کێشی 109 کیلۆگرامی پاڵەوانێتی ئاسیادا لە بەحرەین سێ میدالیای زێڕی بەدەستهێنا.
بە پێی ڕاپۆرتی هەواڵدەریی ڕادیۆو تەلەفزیۆن، «ڕەسوڵ موعتەمیدی»، کێش هەڵگری ئێرانی لە کێشی ١٠٩ کیلۆگرام بە ژمارەی پێوانەیی بەرزکردنەوەی ١٨٠ کیلۆگرام بە یەک تەکان و ٢١٧ کیلۆگرام لە دوو تەکان و بە گشتی ٣٩٧ کیلۆگرام بووە پاڵەوانی ئاسیا و سێ میدالیای زێڕی بەدەست هێنا.
«ئەمیر عەزیری» نوێنەرەکەی دیکەی ئێران بە ژمارەی پێوانەیی بەرز کردنەوەی ١٦٦ کیلۆگرام لە یەک تەکان و ٢٠٨ کیلۆگرام لە دوو تەکان و بە تێکڕایی ٣٧٤ کیلۆگرام میدالیای برۆنزی یەک تەکانی بردەوە، بەڵام بە گشتی لە ئاسیادا پلەی چوارەمی بەدەست هێنا.
