زۆرانبازێکی کورد میدالیای زێڕی زۆرانی ئازادی کێبەرکێکانی ڕوسیای بەدەست ھێنا
"محەمەد موبین عەزیمی"، زۆرانبازی کورد کە هاوڕێ لەگەڵ هەڵبژاردەی نیشتیمانیی زۆرانی ئازادی ئێران بەشداریی کێبەرکێکانی جامی "دیمیتری کرکین" لە ڕووسیای کرد بوو، توانی میدالیای زێڕی کێشی ٩٢ کیلۆگرامی ئەم کێبەرکێیە بەدەست بهێنێت.
بەگوێرەی ڕاپۆرتی ئیرنا، پێشبڕکێکانی زۆرانی نێودەوڵەتیی جامی «دیمیتری کرکین»ی ڕووسیا لە ڕۆژانی ٦ و ٧ی ئەم مانگە لە شاری «یاکوتسک»ی ئەم وڵاتە بەڕێوەبراو لە کێشی ٩٢ کیلۆگرام، زۆرانبازی ناسراوی کورد «محەممەد موبین عەزیمی» لە دوو یاریدا لە بەرامبەر خەنیمە ڕووسییەکانی سەرکەوتنی بەدەست هێناو ڕێی لە قۆناغی کۆتایی کەوت.
«عەزیمی» لە یاریی کۆتایی دا بە دەرەنجامی ٧ بە سیفر بەسەر «گۆرام چێرتکۆیف»ی ڕوسی دا سەرکەوت و میدالیای زێڕی مسۆگەر کرد.
لەم کێبەرکێیانەدا تیپی پێنج کەسەی زۆرانی ئازادی ئێران بە دەستخستنی تاقە میدالیا زێڕەکەی «محەممەد موبین عەزیمی» کاری خۆی کۆتایی پێ ھێنا.
