SAHAR

کێبەرکێی شەترەنجی ڕۆژئاوای ئاسیا بە باڵادەستیی یاریزانانی شەترەنجی ئێران لە هەردوو بەشی پیاوان و ئافرەتان کۆتایی هات.

ڕێوڕەسمی کۆتایی پاڵەوانێتیی شەترەنجی ڕۆژئاوای ئاسیا ڕۆژی سێشەممە ٣٠ی مای ٢٠٢٣ بە ناساندنی یاریزانە سەرەکییەکانی ئەم پاڵەوانێتییە بەڕێوەچوو.

بەگوێرەی ڕاپۆرتی ئیرنا، لە کۆتایی ئەم پێشبڕکێیەدا، لە بەشی پیاوان، «پوریا دەرینی» بە کۆکردنەوەی ٧ خاڵ بوو بە پاڵەوان و پشکی پاڵەوانێتیی جیهانی بەدەستهێنا.

لە بەشی پیاوان دا ھەروەھا «ئارەش تەهباز» و «سوبحان زەحمەتی» لە پلەی دووەم و سێهەمدا وەستان.

هەروەها «حسێن عەزیز» خەڵکی قەتەریش لەم پێشبڕکێیەدا گەییشتە پلەی هەشتەمی خولی پیاوان.

لە بەشی ئافرەتان «میترا ئەسغەرزادە» بوو بە پاڵەوان، «پەروا بیهزاد نەزیف» و تەنناز عەزلی» لە پلەی دووەم و سێهەمدا وەستان.