براوەکانی کێبەرکێی قورئانیی "ساباتی نوور"ی کەناڵی سەحەری کوردی
نیسان 02, 2025 21:14 Asia/Tehran
کێبەرکێی قورئانیی "ساباتی نوور" کە هەموو ساڵێ لە کەناڵی سەحەری کوردییەوە لە مانگی پیرۆزی ڕەمەزاندا بڵاو دەبێتەوە، ئەمساڵیش هەر لە دەسپێکی مانگی پیرۆزی ڕەمەزانەوە دەست پێبوو و ئەمڕۆیش براوەکانی ئەمساڵ دیاری کران.
ئەمساڵ زیاتر لە ٩٠٠ کەس داوای بەشداری لە کێبەرکێیەکەیان کرد کە بە پێی یەکەم لێکدانەوەکان نزیکەی ١٠٠ کەس هەڵبژێردران بۆ ئەوەی لە کێبەرکێکە بەشێوەی زیندوو بەشداری بکەن و تیلاوەتەکان لەلایەن چوار کارناس و داوەری ناودار لە قاهیرە، تاران، سلێمانی و هەولێرەوە داوەری کران. ئەنجامی ئەم کێبەرکێیە بە پێی ڕای داوەرەکان بەم شێوەیە ڕاگەیەندرا:
- براوەی یەکەم: سەرخێل توفیق لە سلێمانی
- براوەی دووهەم: سۆفیان عەبدولقادر لە دهۆک
- براوەی سێهەم: محەممەدسەلاح عەبدوڵڵا لە سلێمانی
- براوەی چوارەم: جەلال یوسف لە هەولێر
