شاری غەززە لە سەر لەبەیانیی ئەمڕۆوە کەوتۆتە بەر شاڵاوی پەلاماری ئاسمانی، تۆپخانەیی و درۆنی ڕژێمی زایۆنی.

لە پەلامارەکانی ئەمڕۆدا زیاتر لە ٧٩ کەس شەهید بوون و  ١٦٣ کەسیش بریندار. داگیرکەران ئەمڕۆ جەنایەتی تۆقێنەریان دژ بە بنەماڵە ئاوارەکان ئەنجامدا، ژماری گشتی شەهیدانی غەززە لە ٧ی ئۆکتۆبری ٢٠٢٣ـوە بۆ ٥٤ هەزار و ٥٦ کەس هەڵکشاوە. نزیکەی ١٤ هەزار کەس ئێستایش لە کەرتی غەززە بێسەروشوێنن و یان تەرمیان لە ژێر داروپەردووی ماڵ و باڵاخانە ڕووخاوەکاندا ماونەتەوە. 

سەرباری جەنایەتە بەربڵاوەکانی سوپای ڕژێمی زایۆنی لە غەززە ، ئەم ڕژێمە ئێستایش نەگەیشتۆتە ئامانجەکانی کە ڕیشەکەن کردنی حەماس و ئازادکردنی دەستبەسەرکراوانی بوو و ڕۆژ نییە هێزەکانی زەبری قورسیان لە غەززە بەرنەکەوێ.