داکۆکیی دەوڵەتی یەمەن لە کێشەی فەلەستین
تشرینی یه‌که‌م 02, 2020 15:08 Asia/Tehran
دەوڵەتی ڕزگاریی نیشتیمانیی یەمەن لە ئاراستەی داکۆکیکردن لە کێشەی فەلەستین ناوی یەکێک لە نەخۆشخانەکانی پێتەختی وڵاتەکەی لە ناوی ئیماراتییەوە بۆ ناوی فەلەستینی گۆڕی.
بە پێی ڕاپۆرتی ڕۆژی پێنج شەممەی ھەواڵدەریی فارس، «تەھا ئەحمەد موتەوەکل» وەزیری تەندروستیی یەمەن، ناوی نەخۆشخانەی «زاید بن سوڵتان» دامەزرێنەری میرنشینە یەکگرتووە عەرەبییەکانی کە لە گەڕەکی «ڕەوزە» لە دەروازەی باکووریی سەنعادا ھەڵکەوتووە بۆ نەخۆشخانەی «فەلەستین» گۆڕی.
ئەم بڕیارەی دەوڵەتی یەمەن بۆ ناڕەزامەندی دەربڕین بەرامبەر بە ڕێککەوتنی ئاسایی بوونەوەی پەیوەندییەکانی نێوان ئیمارات و ڕژێمی زایونی و داکۆکی لە کێشەی فەلەستین دراوە.
دەوڵەتی ڕزگاریی نیشتیمانیی یەمەن بەرلەمەش لە سەنعای پێتەخت شەقامێکی بەناوی فەلەستینەوە کردبوو.
