سەید حەسەن نەسروڵڵا : سەردار سولەیمانی نەک ھەر بۆ شیعە بەڵکوو بۆ موسڵمان و ناموسڵمان فیداکاری کرد
سکرتێری گشتیی حزبوڵڵای لوبنان گوتی : سەردار سولەیمانی نەک ھەر بۆ شیعە بەڵکوو بۆ موسڵمان و ناموسڵمان فیداکاری کرد.
بە پێی راپۆرتی ئەلمنار ، سەید حەسەن نەسروڵڵا سکرتێری گشتیی حزبوڵڵای لوبنان ئێوارەی یەکشەممە لە وتارێک دا بە بۆنەی یەکەم ساڵھاتی شەھیدبوونی سەردار قاسمی سولەیمانی و شەھید ئەبوومەھدی موھەندس گوتیشی : ئەمڕۆ رۆژی ئەمەگناسی بۆ فەرماندەرانی شەھیدی موقاومەیە و نابێ لە بارەیانەوە بێدەنگ بین .
سکرتێری گشتیی حزبوڵڵای لوبنان گوتی : ئەگەر شەھیدبوونی فەرماندەرانی تەوەری خۆڕاگریی نەبوایە ، دروشمی دەرکردنی ھێزە ئەمریکیەکان لە ناوچەکە نەدەبوو بە دروشمێک کە گەلانی ناوچەکە بۆ مسۆگەربوونی ھەوڵ بدەن .
سەید حەسەن نەسروڵڵا باسی نیگەرانیی ئیسراییل بە ھۆی ساڵھاتی شەھیدبوونی فەرماندەرانی سەرکەوتنی کرد و گوتی : ئێران وڵاتێکی بەھێزە و لە ھەر کوێ کە بیھەوێ وڵامی دەستدرێژکاران ئەداتەوە .
