مردنی گوماناویی ئەفسەرێکی ھەواڵگریی ڕژێمی زایونی
سوپای ڕژێمی زایونی بۆ یەکەمجار ھێندێک وردیاتی سەبارەت بە مردنی گوماناویی ئەفسەرێکی ھەواڵگریی قۆڵبەستکراوی ئەم ڕژێمە بڵاو کردەوە.
بە پێی ڕاپۆرتی ڕۆژی سێ شەممەی ڕۆژنامەی زایونیستیی «یەدیعوت ئاحاڕانۆت»، دوای ماوەیەک شاردنەوەی ھەواڵی زیندانی کرانی ئەفسەرێکی ھەواڵگریی ڕژێمی زایونی کە کردەوەکانی وەک تێکدەری ئاسایشتی ئەم ڕژێمە لە قەڵەم دراوە، لە ئێستادا سەرچاوە ھەواڵدەرییەکان باسی مردنی جێی گومانی ئەم ئەفسەرەیان کردووە.
میدیا زایونییەکان سەرەتای مانگی ژوئەن، دۆسیەیەکیان ئاشکرا کرد کە بە قسەی خۆیان سوپای ڕژێمی زایونی بە تەواوی دەیشاردەوە. ئەم دۆسیەیە ھاوپەیوەند بوو بە ئەفسەرێکی ھەواڵگریی دژی شۆڤاریی ڕژێمی زایونی کە لە مانگی سپتامبەری ڕابردوو، دوای کۆمەڵێک تۆمەتی مەترسیدار کە لە سەریان ساغ کردبووەوە، قۆڵبەست کرا.
بە پێی ڕاپۆرتی کەناڵی ئەلجەزیرەی موباشیر»، لە جەنگەی ھێرشەکانی تەلەبیب دژی کەرتی غەززە، باری تەندروستیی ئەم ئەفسەرە زایونییە لەناکاو لە زینداندا تێک دەچێ ھەتا ئەوەی کە لە بەرواری حەڤدەی مانگی مای دەگوازرێتەوە بۆ نەخۆشخانەو ھەر لە ھەمان ڕۆژدا ھەواڵی مردنی بڵاو دەبێتەوە.
بە پێی ئەم ڕاپۆرتە، دادگەی پیاداچوونەوەی سەربازی لە ناوچەی تەلەبیب مۆڵەتی بڵاوکردنەوەی ھێندێک وردیاتی تازەی سەبارەت بەم دۆسیەیە دەرکرد کە دوابەدوای ئەوە، وتەبێژی سەربازیی ڕژێمی زایونی لە بەیاننامەیەک دا ڕایگەیاند کە ئەم ئەفسەرە بە شێوەیەکی تەواو پڕمەترسی زەبری لە ئاسایشتی ڕژێمی ززایونی وەشاندووە.
لەگەڵ ئەمەش دا، ڕۆژنامەی زایونیستیی «یەدیعوت ئاحاڕانۆت» وای بڵاو کردەوە کە لە بەیاننامەکەی سوپای ئیسرائیل دا ھیچ ئاماژەیەک نەکراوەتەوە زانیاریی ھاوپەیوەند بە قۆڵبەستکران و بڕگەکانی پەیوەست بە ئەو تۆمەتانەی وا لە سەر ئەم ئەفسەرە ساغ کراوەتەوە.
