تاقمی پیشەسازیی بەرەڤانیی ئیمارات لەگەڵ کۆمپانیای ئاسمانیی ڕژێمی زایونی بۆ دیزاین کردنی پاپۆڕی سەربازی و بازرگانیی بێ سەرنشین ڕێککەوتنێکیان واژۆ کرد.

بە پێی ڕاپۆرتی ئەلعەرەبی جەدید، ئەم دوو کۆمپانیایە ڕۆژی پێنج شەممە لە بەیاننامەیەکی ھاوبەش دا ڕایانگەیاند: پاپۆڕە بێ سەرنشینەکانی «ئێم ١٧» بۆ ڕاپەڕاندنی ئۆپراسیۆنی ئاسایشتی و ڕاماڵینی مین و ناس کردن لە پاڵ ھێندێک توانایی دیکە دیزاین دەکرێت.

ھەر لەم پەیوەندییەدا، «ئەلبیت سیستێمز» کۆمپانیای ئاسمانی، پیشەسازیی شەڕئامێرو تەکنۆلۆژیای زانیاریی ڕژێمی زایونی یەکشەممەی ڕابردوو ڕایگەیاند: لقێکیشی لە ئیمارات دا کردووەتەوە.

بڕیارە «بنی گانتێز» وەزیری شەڕی ڕژێمی زایونی سەرەتای حەوتەی داھاتو بۆ کردنەوەی یەکەم ژووری ڕژێمی زایونی لە پیشانگایەکی بازرگانیی تایبەت بە پیشەسازیی سەربازی لە ئیمارات دا سەردانی ئەو وڵاتە بکات.