زەبری قورسی ئێران لە بنکەی ئاسمانیی "نواتیم" لە فەلەستینی داگیرکراو
کەناڵی هەواڵی ئەلمەیادین ڕایگەیاندووە لە هێرشە مووشەکییەکەی ئێراندا زەبرێکی قورس لە بنکەی ئاسمانیی "نواتیم"ی ڕژێمی زایۆنی کەوتووە.
کەناڵی هەواڵی ئەلمەیادین هەروەها وێنە و گرتەگەلێکی زۆریشی بڵاو کردۆتەوە سەبارەت بە هێرشی مووشەکی و درۆنیی ئێران بۆ سەر دامودەزگە سەربازییەکان و فڕۆکەخانەکانی ڕژێمی زایۆنی و ئاگرکەوتنەوە لەم ناوچانە پاش تەقینەوەگەلێکی بەربڵاو.
ڕۆژنامەی نیۆیۆرک تایمیزش بە گێڕانەوە لە بەرپرسانی ڕژێمی زایۆنی ڕاپۆرتی دا کە سپای پاسدارانی شۆڕشی ئیسلامیی ئێران سەد و هەشتاو پێنج درۆنی جەنگی، سی و شەش مووشەکی کروز و سەد و دە موووشەکی زەوی بەرەو زەوی بەکارهێناوە لە هێرش کردنی بۆ سەر ئیسراییل.
بنکەی ئاسمانیی نواتیم لە سارای ئەنەقەب لە باشووری فەلەستینی داگیرکراودا هەڵکەوتووە.
ئەم بنکە سەربازییە ناوەندی سەرەکیی سەقامگیر کرانی تازەترین و مۆدێڕنترین فڕۆکەی جەنگی ئف سی و پێنجی سوپای ڕژێمی زایۆنیە کە پاش واژۆ کردنی گرێبەستی کڕێنی چەک لەگەڵ ئەمریکا، ئەو فڕۆکە جەنگییانەی لێ وەرگرتووە.
ڕۆژنامەی "گڵۆباڵ تایمز"ی چینیش وەڵامەکەی ئێران بە ڕژێمی زایۆنی بە پلان بۆداڕێژراو و ستراتژیک وەسف کرد و ڕایگەیاند کە مووشەک و درۆنە جەنگییەکانی ئێران ئامانجەکانی خۆیان ڕێک و بە وردی پێکاوە.
