حیزبوڵڵای لوبنان وێڕای شەرمەزارکردنی درێژەی پەلامارەکانی رژیمی زایۆنیستی بۆسەر ئەو وڵاتە، بە رەخنەگرتن لە کردەوەی بەرپرسانی لوبنانی، جەختی کرد؛ درێژەی داگیرکەریی، پەلامار، کوشت و بڕ و وێرانکاریی، پیشاندەری شکستهێنانی ڕێگای دانوستانی راستەوخۆ و ڕێککەوتنی چوارچێوەیە.

حیزبوڵڵای لوبنان لە بەیاننامەیەکدا لەبارەی درێژەی دەسدرێژکاریی رژیمی زایۆنیستی بۆسەر ئەو وڵاتە رایگەیاند  کە ئەو رژیمە هەروا درێژە دەدا بە تاوپێدانی دەسدرێژییەکان و کردەکانی دژی لوبنان لە ڕێی کوشت و بڕ، بۆردومان، وێرانکردن و تەقاندنەوەی ڕێکخراوی ماڵ و خانووبەرەو گوندەکان، لەبەین بردن و سڕینەوەی نیشانەکانیان و لەناوبرانی ژێرخانەکانی ژیان لەو ناوچانە. حیزبوڵڵا ڕایگەیاند، ئەو پەلامارانە لەبارودۆخێکدا درێژەیان هەیە کە بێ دەنگەی تۆکمەی کۆمەڵگای جیهانی و هاوکاربوونی ئاشکرای ئەمریکای لەگەڵ دایەو بەرپرسانی لوبنانیش ئەرک و بەرپرسایەتییان جێبەجێ ناکەن و سوورن لەسەر بژاردەی نادروست، شێوازی ئیمتیازدان و تەسلیم خوازانەو چوارچێوێک کە رژیمی زایۆنیستی تادێ پێشێلی دەکا. لە درێژەی ئەو بەیاننامەدا هاتووە، ئەو هەڵوێست و سیاسەتە جگە لە سەرشۆڕیی هیچی بۆ لوبنان بەدواوە نەبووە.

حیزبوڵڵا جەختیشی کرد: ئەو دەسدرێژییە ئیدانەکراوانەی بە هاوبەشی و پلاندانانی ئەمریکا ئەنجام دەگرێ، هیچ پاساوێکی جگە لە گوشارهێنان بۆ بەرپرسانی لوبنانی و باج وەرگرتن لەوان بۆ ناچارکردنیان بە جێبەجێکردنی ئەو بەرنامانە نیە کە ئامانجەکانی بۆ هەمووان ڕوون و ئاشکرایە.