گوتاربێژی نوێژی هەینیی تاران : ڕق و نەفرەتی خەڵکی ئێران لە ئەمریکا، پێشاندەری قووڵی بەرچاوڕوونیانە
گوتاربێژی نوێژی هەینیی تاران وتی: نیشاندانی ڕق و نەفرەتی خەڵکی ئێران لە سیستەمی ملهوڕیی جیهانی و لەسەروویانەوە ئەمریکا، قووڵی بەرچاووڕوونی یە لەبەرامبەر ئەو مەترسییەی لەلایەن ئەو وڵاتەوە هەڕەشە دەکا لە مرۆڤایەتی، ئاشتی ، ئاسایش و مافی مرۆڤەکان.
حوججەتولئیسلام وەلموسلمین کازم سدیقی گوتاربێژی نوێژی هەینیی تاران بەئاماژە بە ئامادەبوونی خەڵکی سەرتاسەری ئێرانی ئیسلامی لە ڕێپێوانی سێزدەی خەزەڵوەر(چواری نۆڤمبەری٢٠١٩) رۆژی نیشتمانی"بەرەنگاربوونەوەی ئیستکباری جیهانی" وتی: ئەمریکا لە دوژمنی لەگەڵ نیزامی پیرۆزی کۆماری ئیسلامیی ئێران لەچل ساڵی رابردوودا هەموو چەشنە پیلانێکی گێڕاو.
گوتاربێژی نوێژی هەینیی تاران بەبیرخستنەوەی دانوستانەکانی ئێران لەگەڵ پێنج کۆیەک و ئیمزای ڕێککەوتنی ناڤۆکی ، وتی: ئەنجامەکەی چ بوو؟ ئاخۆ بایکۆتەکان هەڵگیران؟ نەک هەر ئابلۆقەکان هەڵنەگیران بەڵکوو گەمارۆی نوێش سەپێندرا.
حوججەتولئیسلام سدیقی بەپێداگری لەسەر ئەوەی کە لە شەڕی ئابوری دەبێ مەیدان بدرێ بە گەنجانی لێهاتوو، کەسانی شیاو و ئەو گەنجانەی پرسی مووشەکیان کردە مایەی مەزنایەتی وڵات و سەرکەوتنیان بەخشی بە بەرەی خۆڕاگری، وتی: لە بەرەوڕووبوونەوەی شەڕی ئابوریدا، گەنجانی شۆڕشگێڕ و لێهاتوو کەڵکیان لێوەربگیردرێ.
گوتاربێژی نوێژی هەینیی تاران هەروەها وێڕای ڕاسپێری بە بەرپرسانی کۆماری ئیسلامیی ئێران سەبارەت بە دانوستان لەگەڵ ئەمریکا، وتی: ئەوەی وا دەبێتەمایەی چوونەسەری ئاستی گیروگرفتەکان، پشت بەستن بەکەسانی دیکەو بەهیوای وڵاتانی دیکە بوونە.
