شەمخانی ڕوو لە پەمپێئۆ: کۆماری ئیسلامیی ئێران دژی یەھودی نییە
سکرتێری ئەنجومەنی باڵای ئاسایشتی نیشتیمانیی ئێران لە توییتێکدا بۆ وەزیری دەرەوەی ئەمریکا ئەوەی وەبیر ھێنایەوە کە دژایەتیی کۆماری ئیسلامیی ئێران لەگەڵ تاوانکاران، داگیرکەران و منداڵکوژانە، نەک یەھودییەکان
بە پێی ڕاپۆرتی ھەواڵدەریی فارس، عەلی شەمخانی سکرتێری ئەنجومەنی باڵای ئاسایشتی نیشتیمانیی ئێران لە توییتێکدا ڕوو لە «مایک پەمپێئۆ» وەزیری دەرەوەی ئەمریکا نووسی: با وەبیری وەزیری دڵڕەشی ڕژێمە تیرۆریستییەکەی ئەمریکا بھێنمەوە کە لە کۆماری ئیسلامیی ئێراندا بە پێچەوانەی شێوازی گالەوەڕێنەکانی ڕۆژئاوای کێوی، ڕێبەرەکان دیاریکراوو دڵخوازی زۆرینەی خەڵکن و خواستی خەڵک نەبێ ھیچی تریان بە زماندا نایەت.
ناوبراو جەختی لەوەش کردەوە کە، با ئەوەشبزانی کە ئێمە دژی یەھودی نین، دژایەتیی ئێمە لەگەڵ تاوانکاران، داگیرکەران و منداڵکوژەکانە.
جێگای ئاماژەیە پەمپێئۆ ھەتا ئێستا چەند جارێک لە قسە بێ سەروبەرەکانی دا، بوختانی دژی یەھودی بوونی بۆ ئێران کردووە.
