خۆپیشاندەرانی بەسرە تێپەڕگای سنووری لە گەڵ کوەیتیان داخست
دەیان ناڕازی ئێراقی لە درێژەی ناڕەزایەتیەکانی خۆیان لە مەڕ دۆخی نالەبار و خراپی ڕاژەکاری لە پارێزگای بەسرە تێپەڕگای سنووری ئەو وڵاتە لە گەڵ کوەیتیان داخست .
بە گوێرەی ڕاپۆڕتی ئیسنا ، ئەمڕۆ یەکشەمە دەیان ناڕازی ئێراقی لە بەسرە تێپەڕگای سنووری سەفوان لە نێوان ئێراق و کوەیتیان داخست . خۆپیشاندەران وێڕای ئیدانە کرانی وڵام نەدانەوەی دەوڵەتی ئێراق بە داخوازیەکانیان خوازیاری درێژەی خۆپیشاندانەکان بوون . خۆپیشاندەران بە کۆبوونەوە لەو تێپەڕگا و داخستنی جادە بەر دەگرن بە هاتو چۆی تڕوموبیلەکان لە ئێراقەوە بۆ کوەیت و بە پێچەوانەوە . حەیدەر عیبادی سەرۆک وەزیرانی ئێراق دوای دیداری لە گەڵ مەرجەعیەتی شێعە لە نەجەف خۆپیشاندانی جەماوەریان پشت ڕاست کردەوە و بەڵێنیان دا داخوازی ناڕازیان جێ بە جێ بکەن . سەرۆک وەزیرانی ئێراق هەروەها فەرمانی بە وەزیری ناوخۆ دا لێکوڵینەوە سەبارەت بە پەلاماری تڕوموبیلی سەربازی وەزارەتی ناوخۆ بۆ سەر خۆپیشاندەران لە پارێزگای موسەنا دەس پێی بکات . بە پێی ڕاپۆڕتەکانی سەرچاوە دەوڵەتیەکانی ئێراق ، حەوتی ئووت ، تڕوموبیلێکی مودێڵی " هومر " سەر بە هێزە ئاسایشیەکان هەوڵی دا بدات لە خۆپیشاندەران لە پارێزگای موسەنا
