ئەمیر عەبدوڵڵاهیان: هاوکاری تاران، مۆسکۆ و حیزبوڵڵای لوبنان لە دامەزرانی ئاسایش لە سووریا، ئەزموونێکی سەرکەوتووانە بوو
یاریدەری تایبەتی سەرۆکی مەجلیسی شۆرای ئیسلامیی ئێران لە کاروباری نێودەوڵەتی هاوکاری هاوبەشی تاران، مۆسکۆ و حیزبوڵڵای لوبنان لە دامەزرانی ئاسایش لە سوریا و بەهێزکردنی ئاسایشی ناوچەی بە ئەزموونێکی سەرکەوتوانە وەسف کرد.
حسێن ئەمیر عەبدوڵڵاهیان یاریدەدەری تایبەتی سەرۆکی مەجلیسی شۆرای ئیسلامیی ئێران لە کاروباری نێودەوڵەتی ، لە چاوپێکەوتنی ڕۆژی سێ شەممەی دا لەگەڵ عەدنان مەحموود باڵوێزی سوریا لە تاران بە ڕاگەیاندنی ئەمەی پێوەندی تاران دیمەشق ستراتژیک و بەهێزە وتیشی: ڕژێمی ناشەرعی زایۆنیستی بچووکتر لەوەیە کە بیەوێ کاریگەر بێت لەسەر پێوەندی ستراتژیکی تاران - دیمەشق.
ناوبراو بە ئاماژەدان بە دەوری کاریگەری خەڵک، هێزە چەکدارەکان و دەوڵەتی سوریا لە بەرەنگار بوونەوەی تیرۆریزم، پێداگری کرد : سوریا ، قەیرانی شەڕی تیرۆریستی وە پشتی سەر ناوە و بەم زووانە دەگاتە جێگەی کاریگەر و سرووشتی خۆی لە ناوچە و جیهانی عەرەب .
عەدنان مەحموودیش لەم دیدارەدا بە ئاماژەدان بە سەرکەوتنی مەیدانیی سوپای سوریا و هاوپەیمانەکانی و شکستەکانی پەیتاپەیتای تاقمە تیرۆریستەکانی داعش و بەرەی نوسرە، وتی : گەڕانەوەی ئاسایش و سەقام بۆ سوریا ، ئاسایش و سەقامی ناوچەی بە دواوە دەبێت.
ناوبراو وتیشی : ئەم دەستهاتە بە هەوڵ و کۆششی سورییەکان و بە هاوکاری کۆماری ئیسلامیی ئێران و ڕووسیا دەستەبەر کراوە.
باڵوێزی سوریا لە تاران وتی : بنیات نانی سوریا و گەڕانەوەی ئاوارەکان لە ئەوڵەوییەتەکانی دەوڵەتی سوریایە و ئێران جێگەیەکی بەرزی لە هاوکاری ئابووری - بازرگانی لەگەڵ سوریا دا دەبێت.
