هەڵوێستی ڕێکخراوی ئاسایش و هاوکاریی ئەورووپا لەهەمبەر هەڵبژاردنەکانی تورکیا
ڕێکخراوی ئاسایش و هاوکاریی ئەورووپا خوازیاری هەلوومەرجی پڕووپاگەندەیی یەکسانی هەڵبژاردن بوو لە تورکیا.
بە پێی ڕاپۆرتی هەواڵدەریی ڕادیۆ و تەلەڤزیۆنی ئێران بە گێڕانەوە لە ڕۆژنامەی "جمهورییەت"؛ ڕێکخراوی ئاسایش و هاوکاریی ئەورووپا رایگەیاند: ژماری چاوەدێرانی نێودەوڵەتی لە هەڵبژاردنەکانی داهاتوویی تورکیا زیاتر دەبێ.
دەوڵەتی تورکیا داوای لە ڕێکخراوی ئاسایش و هاوکاریی ئەورووپا کردووە چاوەدێرەکانی بەڕێ بکات بۆ تورکیا بۆ کۆنترۆڵ کردنی هەڵبژاردنەکانی سەرۆک کۆمارەتی و پەرلەمانی ئەم وڵاتە لە ٢٤ی ژوەنی ٢٠١٨ دا.
نووسینگە ناوەندە دیموکراتیکەکان و ناوەندەکانی مافی مرۆڤی سەر بە ڕێکخراوی ئاسایش و هاوکاریی ئەورووپا بە بڵاو کردنەوەی راپۆرتێک رایگەیاند: ئەم ڕێکخراوەیە پێشنیاری دا ٢٨ کەس لە درێژماوە و ٣٥٠ کەس لە کورتماوەدا چاوەدێری بکەن بە سەر پرۆسەی بەڕێوەچوونی هەڵبژاردنی پەرلەمانی و سەرۆک کۆمارەتیی تورکیا.
ئەم ناوەندەی سەر بە ڕێکخراوی ئاسایش و هاوکاریی ئەورووپا بانگەشەی کرد: دەوڵەتی تورکیا راسپێرییەکانی ئەم ناوەندەی بەجێ نەهێناوە و بەشێکی زۆری یاسا و ڕێساکانی هەڵبژاردنی گۆڕیوە کە ئەوە لەمپەرێکە لە سەر ڕێگای بەهێزتر کران و پەرەپێدرانی هاوکاریی و ڕاهاتانی نێوان پارتەکان.
کۆمسیۆنی بەدواداچوون و چاوەدێری کۆڕی پەرلەمانیی ئەنجومەنی ئەورووپایش بانگەشەی کردووە: بەڕێوەچوونی هەڵبژاردنەکانی تورکیا لە باروودۆخی ڕەوشی نائاسایی، لەگەڵ پێوەرەکانی ئەم ناوەندە نایەتەوە.
دوابەدوای کودەتای بێ ئاکامی ساڵی ٢٠١٦ لە تورکیا، دەوڵەتی ئەم وڵاتە بە مەبەستی دامەزراندنی هێوری و ئاسایش ، ڕەوشی نائاسایی لە تورکیا ڕاگەیاندووە.
