ئاماری تووشبووان بە ڤایروشی کرۆنا لە تورکیا گەیشتە زیاتر لە 10 هەزار کەس
وەزیری تەندروستی تورکیا ڕایگەیاند ژوماری تووشبووات بە ڤایروسی کرونا لە سەرانسەری ئەو وڵاتە گەیشتە 10 هەزار و 827 کەس و کوژراوانیش گەیشتووەتە 168 کەس .
فەخرئەدین کوچا وەزیری تەندروستی تورکیا وتی : لە ماوەی 24 کاژێری ڕابردوو 37 کەسی دیکە بە هۆی تووشبوون بە ڤایروسی کرونا لە تورکیا گیانیان لە د ەس داوە و بەم جورە ئاماری هەموو گیان لەدەس داوانی کرۆنا لە تورکیا گەیشتووەتە 168 کەس . وەزیری تەندروستی تورکیا وێڕای ئاماژە بە تووشبوونی هەزار و 610 حاڵەتی نوێ بە ڤایروسی کرونا لە تورکیا وەبیریشی هێنایەوە کگە لە ماوەی 24 کاژێری ڕابردوو لە 11 هەزار و 535 کەس تاقیکاری کرونا کراوە کە هەزار و 610 کەس تووشی کرونا هاتوون و بەم جۆرە ژوماری تووشبووان لە گشت تورکیا گەیشتووەتە دە هەزارو 827 کەس . لە هەمان حاڵدا وتەبێژی پارتی کوماریخوازی گەلی تورکیا وتی دەسەڵاتداریەتی سیاسی تورکیا بەرپرسایەتی ڤایروسی کرونا قەبووڵ ناکات . فایق ئوزتراک وتەبێژی هەدەپە وێڕای ئاماژە بە پەرە سەندنی ڤایروسی کرونا لە تورکیا وتی تەشەنای ڤایروسی کرونا لە تورکیا بۆ دەوەت و نەتەوەی ئەو وڵاتە ئەزموونێکە دەبێ ڕێ و شوێنی پێویست بگریدرێتە بەر . بە پێی هەواڵێکی دکیە بە دوای پەرە سەندنی ئاماری تووشبووان بە ڤایروسی کرونا لە تورکیا و تێپەڕینی تووشبووان لە سنووری دەهەزار کەس وەزارەتی ناوخۆ ی تورکیا 39 ناوچەی ئاوەدانی لە تورکیا گەرەنتینە کرد