تێکشکاندنی بنکەی داعش بە مووشەکی برکان لە باشووری ڕۆژئاوای "مووسڵ"ی ئێراق
نیسان 25, 2017 21:21 Asia/Tehran
هێزی حەشدی شەعبی ئێراق بنکەی ڕێکخراویی تیرۆریستیی داعشیان لە ناوچەی حەزر لە باشووری ڕۆژئاوای مووسڵ داوەتە بەر پەلامارو بە تەواوی خاپووریان کردووە .
بەپێی ڕاپۆرتی ئەلعالەم، دوابەدوای ئۆپراسیونی بەربڵاوی حەشدی شەعبی کەلە سەرلەبەیانی ڕۆژی سێ شەممە بۆ ئازاد کردنی ناوچەی حەزر لەباشووری ڕۆژاوای مووسڵ دەستپێکراوە، هێزەکانی تیپی سی و سێی حەشدی شەعبی لەم پەلامارە لە مووشەکی بەرکان کەڵکیان وەرگرت ئەم مووشەکە دوای وێکەوتن لە ئامانجەکە ،بنکەی داعش لە گوندی ئوم غوربە لەسارای حەزریان خاپوور کرد .
جەواد تەبیباوی وتەبێژی هێزی تاقمی خۆڕاگریی عەسائبی ئەهلی حەقیش ڕایگەیاند دوای کۆتایی هاتنی ئۆپراسیۆنی ئازاد کردنی حزر هێزی حەشدی شەعبی بۆ ئازاد کردنی ناوچەی بەعاج و قیروان لە ڕۆژاوای مووسڵ لە نیزیکی سنوورەکانی سوریا ئامادە دەبن.