چاوپێکەوتنی نێردراوی سەرۆکی ئەمریکا لەگەڵ سەرۆک وەزیرانی ئێراق لە بەغدا
نێردراوی تایبەتی سەرۆکی ئەمریکا لە هاوپەیمانی نێونەتەوەیی دژە داعش لە بەغدا لەگەڵ سەرۆک وەزیرانی ئێراق دیداری کرد و سەبارەت بە بەهێزکردنی پێوەندیی دوولایەنە وتووێژیان کرد .
بەپێی ڕاپۆرتی هەواڵدەریی فارس، بێرت مەک گورک نێردراوی تایبەتی سەرۆکی ئەمریکا ئەمڕۆ چوارشەممە لەگەڵ سەرۆک وەزیرانی ئێراق لە بەغدا دیداری کرد .
نووسینگەی حەیدەر عەبادی سەرۆک وەزیرانی ئێراق لە بەیاننامەیەک دا بە ئاماژەدان بەم چاوپێکەوتنە وتی دوو لایەن لەم دیدارەدا سەبارەت بە ڕێگەکانی بەهێزکردنی پێوەندی دوولایەنە ، پێداگری لەسەر هەڵوێستی ئەمریکا بۆ داکۆکی کردن لە سەقامی ئێراق، بەهێزبوونی تواناییەکانی دوو وڵات، داکۆکی لە هەوڵەکان لە پێناو بنیات نانەوە و بانگێشتن لە کۆمپانییەکانی ئەمریکی بۆ بەشداری کردن لە سەرمایەدانان لە ئێراق، وتووێژیان کرد .
سەرۆک وەزیرانی ئێراق مانگی ڕابردوو دوای ئەوەی هێزەکانی ئەم وڵاتە توانیان دوایین ناوچەکان کە لەلایەن داعشەوە داگیرکراون ئازاد بکەن، باسی کۆتایی شەڕ بە دژی ئەم تاقمە تیرۆریستییەی کرد .
ناوبراو لەسەر پێویستیی بنیات نانی ناوچەگەلێک کەلەم شەڕە تووشی زیان بوونە، پێداگری کرد و ڕایگەیاند گەڕانەوەی ئاوارەکان بۆ ناوچە ئازاد کراوەکان لە دەستووری کاری دەوڵەتی ئێراقە.