بەدرۆخستنەوەی سەقامگیر بوونی بیست هەزار سەربازی ئەمریکی لە نەینەوا
نوێنەری پارێزگەی نەینەوا لە پەرلەمانی ئێراق ، ڕاپۆرتگەلێکی سەبارەت بە سەقامگی بوونی بیست هەزار چەکداری ئەمریکی لەم پارێزگجەیە و کشانەوەی هێزی حەشدی شەعبی لە نەینەوا ڕەت کردەوە .
بەپێی ڕاپۆرتی کوردپرێس، حونەین قەدو لە بەیاننامەیەک دا نووسی : هەندێ لە هەواڵدەرییەکان باسی سەقامگیر بوونی بیست هەزار چەکداری ئەمریکیان کرد لە شاری مووسڵ لە پارێزگەی نەینەوا و کشانەوەی هێزی حەشدی شەعبی لەم پارێزگەیە کە ئەم هەواڵە ڕاست نییە و ئامانج لە بڵاوبوونەوەی نانەوەی ترس و تۆقان لەنێوان شارومەندانی مووسڵە.
قەدو داوای لە عادل عەبدولمەهدی سەرۆک وەزیران و فەرماندەی گشتیی هێزە چەکدارەکانی ئێراق کرد خەڵکی ئەم وڵاتە لە ڕەوتی سەقامگیر بوونی هێزی ئەمریکی لە باکووری ئێراق و ناوچەکانی دیکەی ئەم وڵاتە و ئامانج لە ئامادەبوونی هێزی ئەمریکی لەوناچەیە ئاگادار بکاتەوە .
ناوبراو پێداگری کرد کە بێ دەنگی بەغدا لەبەرامبەر ئەم چەشنە دەنگۆ وشایعانە، دەبێتە هۆی تێک چوونی ڕەوشی ئاسایشی و نیگەرانی و بشێوی لەنێوان شارومەندانی ئێراقی.
