٢٤ـی خەزەڵوەر؛ ڕۆژی کتێب و کتێب خوێندنەوە
کتێب ئامرازێکە یارمەتیی بە زانستی مرۆڤانی ئەدات و ناهێلێت لە ناو بچێت و بۆ نەوەکانی داهاتوو ڕایاندەگوێزێتەوە.کتێب بەرهەمی تاقیکاری، ئەزموون و داهێنانەکانیی زەینی و وەدۆزەکانیی درێژ ماوەی ئینسانە. کتێب لە ڕاگواستنەوەی زانستەکان ڕۆڵێکی یەکجار بەربڵاوتری هەیە لە چاو ئامرازەکانی دیکەی فێرکاری .
لە ساڵی ١٣٧٢ هەتاوی، ٢٤ێ خەزەڵوەر ، وەک ڕۆژی کتێب و خوێندنەوەی کتێب دیاری کرا.ئەم ڕۆژە ، یەکێ لە ڕۆژانی حەوتەی کتێبیشە. یەکەم حەوتەی کتێبی کۆماری ئیسلامی ئێران لە ڕۆژانی چوارەم تا دەیەمی بەفرانباری ١٣٧٢ بە پەیامیی ڕێبەری باڵای شۆرشی ئیسلامی بەڕیوە چوو.
بێ گومان ، هیچ پاشەکەوت و میراتێک بە سوودتر و بەبایختر لە کتێب نییە، چوونکا کتێب، هۆی ئارامشی ڕووحی ئینسانە. کتێب هاودەمێکە کە خەم و پەژارە دەسرێتەوە و کەسێک کە کتێب دەخوێنێتەوە ئیتر هەست بە تەنیایی ناکات و کتێب مڕۆڤ فێری حیکمەت و زانستی بە بایخ دەکات . لە ڕاستی دا کاتێک نەزانی و نائاگاداری دەبێتە هۆی تێکڕووخانیی کۆمەڵەگەیەک ،یان وەهم و شووبەهات زەینی گەنجەکان پەک پێدەخات، بێ گومان یەک لە گرنگترین بابەتەکان کە پێدەکرێ جەهل و نەزانیی بسرێتەوە و ئیمان و متمانە بگەڕێنێتەوە نێو دڵی ئینسانەکان ، خوێندنەوەی کتێبە.
کتێبێکی باش، تاهەتایە دەمێنێتەوە و شوێندانەرە،بەڵام چۆنە کە کتێب دەبێتە بەرهەمێکی شویندانەر و تاهەتایی؟ یەک لە گرنگترین تایبەتمەندییەکانی وەها بەرهەمگەلێک، لە بەرچاو گرتنیی ئەم خالە گرنگەیە کە ئەم چەشنە کتێبانە لانیکەم وڵامیی یەکێ لە پرسیارەکانیی خوێنەرەکانیان بدەنەوە، وڵامێک کە بەسەرنج لە ئەولەویەتەکان، جوان ، بە چەمک و مانا و پاوەجێی و ڕازیکەرەوە بێت.کتێبی باش لە نێو دڵان دا جێگای هەیە هەر بۆیە کۆن نابێتەوە. باش بە مانای ئەمەیە هەم لە ڕوانگەی هۆنەریی ڕێک و پێک کرابێت و هەم چەمک و مانای قووڵی تێادا بێت.
یەکێ لە سوودمەندترین زانیارییەکان بۆ کەسێک کە کتێب دەخوێنێتەوە ،ناسینی بەرهەمەکانی باش و تازە، ناسینی نووسەرانی ئەرکمەند و ساڵم و ناسینی دامەزراوەی پەخشکاری ئەرکمەندە.بنەماڵە ڕۆلێکی زۆری هەیە لەمەڕ خویندنەوەی کتێب و لە ڕاستی دا خاڵی بەدیهێنانی ئەوین و هۆگری بە خوێندنەوەی کتێب لە بنەماڵەوە دەستپێدەکرێت. عکس نمایشگاه کتاب
