گوێزرانەوەی بریندارانی بوومەلەرزەی کرماشان لەڕێی فڕۆکەخانەوە
جێگری بەرپرسی کۆمپانیای فڕۆکەخانەکان و گەشتی ئاسمانیی ئێران، وتی: لە فڕۆکەخانەی مێهرئاباد، بەشێکی تایبەت تەرخان کراوە بۆ تەرکیزی فڕۆکەو کۆپتەرەکان بۆ گواستنەوەی برینداران.
حوسێن ئیسفەندیاری لە پەیوەندیی تەلەیفونی لەگەڵ پەیامنێری ڕادیۆ وتەلەفزیۆن، وتی: لە بوومەلەرزەی شەوی ڕابردوو، ژێرخانی فڕۆکەخانەکانی کرماشان، سنەو ئیلام زیانیان دیتوەو هێمنی هەر سێک فڕۆکەخانەکە جێگیرە.
ناوبراو لەدرێژەی قسەکانیدا وتی: تاران هاواهەنگییەکان بۆ گەشتەکانی فریاکەوتن بۆ سێ فڕۆکەخانە ئەنجامیگرتووەو لەئامادەیی دان.
ئیسفەندیاری پێی داگرت: حەفتا بریندار لە فڕۆکەخانەی کرماشان لەحاڵی گوێزرانەوەدان و تائەو ساتە ئامانجەکەی تارانە بەڵام ڕێگای دەقیقی لەلایەن ناوەندی بەڕێوەبەرایەتی قەیران دیاری دەکرێ.
ئەسفەندیاری وتیشی: فڕۆکەخانەی مێهراباد ئامادەی وەرگرتن بۆ گواستنەوەی هەموو گەشتەکانە.
ناوبراو بەئاماژە بەوەی کە ناوەندی قەیرانی پارێزگای تاران لە فڕۆکەخانەی مێهراباد پێکهاتووەو هیچ بەرتەسکییەک بۆ خرانەڕووی ڕاژەکارییەکان لەبەردەمدا نییە، جەختی کرد: ژمارێکی زۆر کۆپتەر لەڕێگای فڕۆکەخانەی کرماشان لەهاتووچۆ دان و برینداران دەگوێزنەوە.
