باقری: ئێران و ڕووسیا بایکۆتەکانی ئەمریکا دەکەنە دەرفەت
جێگری وەزیری دەرەوەی کۆماری ئیسلامی ئێران لەمیانەی کۆبوونەوەی ڕوسیا - جیهانی ئیسلام وتی: بە تێگەیشتنی سەرۆکانی تاران و مۆسکۆ بایکۆتەکانی ئەمریکا بوونە دەرفەتی نوێ.
عەلی باقری کەنی کە سەردانی ڕوسیای کردوە ئێوارەی دوێنێ لە کۆنفڕانسی ڕوسیا - جیهانی ئیسلام لە قازان وتی: ڕوسیاو ئێران توانیویانە بایکۆتەکانی ئەمریکا نەک هەر بۆخۆیان بەڵکوو بۆ سەرجەم ناوچەکە بکەنە دەرفەتی نوێ.
ناوبراو وتی: ئەمریکا هەڕەشە لە وڵاتانی ناوچەکە بەتایبەت ئێران و رووسیا دەکا کە هەروا بەردەوام دەبێ لەسەر بایکۆتکردنی نایاسایی ئەم دوو وڵاتە تاکوو زەختیان بخاتە سەر، بەڵام بە بیریاری و تێگەیشتنی سەرۆکانی دوو ووڵات ئەو بایکۆتانە نەک هەر بۆ ئێران و ڕوسیا بەڵکوو بۆ وڵاتانی دیکەش بوونە دەرفەت.
جێگری وەزیری دەرەوەی کۆماری ئیسلامی ئێران لە درێژەدا وتی: جێگیرکردنی ئاشتی لە ناوچە بەبێ پەیوەندی نزیکی ئابووری نەلواوەو هەربۆیە مۆسکۆو تاران هەروا بەردەوام دەبن لەسەر بەهێزکردنی پەیوەندیەکانیان.
