ڕوودانی بوومەلەرزەیەک بە گوڕی ٧ ڕیختەر لە ئەندۆنێزیا
نیسان 15, 2023 06:40 Asia/Tehran
بوومەلەرزەیەک بە گوڕی ٧ ڕیختەر، دوورگەی جاوە ھەڵکەتوو لە وڵاتی ئەندۆنێزیای ھەژاند.
بە پێی ڕاپۆرتی ئاژانسی هەواڵدەریی میهر، دامەزراوەی جیۆلۆژیی ئەمریکا (USGS) بوومەلەرزەیەکی ٧ ڕیختەریی لە دوورگەی جاوەی ئەندۆنێزیا پشتڕاست کردەوە و ڕایگەیاند کە ئەم بوومەلەرزەیە لە قوڵایی ٥٩٤ کیلۆمەتر ڕووی داوە.
هەروەها ڕێکخراوی کەشوهەوا و جیۆفیزیکی ئەندۆنێزیاش دوای هەستکردن بەم بوومەلەرزەیە مەترسیی ڕوودانی سۆنامیی بەدوور نەزانی و هاوڵاتیانی ئەم ناوچەیەی ئاگادارکردەوە لە ئەگەری ڕوودانی پاشەلەرزەش.
حکومەتە خۆجێییەکانی دراوسێی جاوەی ناوەڕاست فەرمانی چۆڵکردنی نشینگەو بینا ئیدارییەکانیان دەرکردووە.
تا ئێستا هیچ هەواڵێک لەسەر زیانی گیانی و ماڵیی ئەم بوومەلەرزەیە بڵاو نەبووەتەوە.
