سەفەری سەرۆک وەزیرانی تورکیا بۆ هەرێمی کوردستانی ئێراق
بیناڵی ییلدریم " سەرۆک وەزیرانی تورکیا ، سەرلە بەیانی ڕۆژی یەکشەمە گەیشتە هەولێر و لە فڕگەی ئەو شارە لە لایەن " نێچیروان بارزانی" سەرۆکی ئیدارەی هەرێمی کوردستانی ئێراقەوە پێشوازی لێکرا .
بن عەلی ییلدریم " سەرلە بەیانی ڕۆژی شەمە لە سەرووی شاندێکی پلە بەرزی سیاسی ئابووریدا گەیشتە بەغدا و لە گەڵ حەیدەر عەبادی سەرۆک وەزیران و سەلیم جبوری سەرۆکی پەرلەمان و " فواد مەعسوم " سەرۆک کۆماری ئێراق دیدار و وتووێژی کرد .
سەرۆک کۆماری ئێراق دوانیوەڕۆی شەمە لە دیداری بن عەلی ییلدریم سەرۆک وەزیرانی تورکیا خوازیاری خێرا کردنەوەی لەناو بردنی بارگرژیەکانی نێوان دوو وڵات بوو .
فواد مەعسوم لە و دیدارەدا وتی : بەرژەوەندی هاوبەش و پەیوەندی مێژوویی دوو وڵات خوازیاری خێرا بوونەوەی لەناو چوونی ناکۆکی و بارگرژیەکانی نێوان دوو وڵاتە .
مەعسووم هەروەها جەختی کرد : پێویستە دوای سەرکەوتن بەسەر تاقمی تێرۆریستی داعش لە ئێراق و سووریا ؛ وڵاتانی ناوچە بۆ بەرەنگار بوونەوەی توند ڕۆیی و تێڕۆریزم کە دەتوانێ بگوازرێتەوە بۆ قۆناغی پێشکەوتووتر ، هاوکاریە ناوچەییەکان پەرە پێی بدەن .
لەو دیدارەدا بن عەلی ییلدرم یش باسی کرد لە هۆگری وڵاتەکەی بە هاوکاری لە گەڵ ئێراق لە شەڕ بە دژی تێرۆریزم و هەروەها پەرەی پەیوەندیەکانی دوو وڵاتی دراوسێ . دوێنێ لە کۆتایی دیداری سەرۆک وەزیرانی ئێراق و تورکیاش ڕاگەیندرا : ئانکارا ڕەزامەندی دەربڕیووە لە گەڵ چوونەدەری هێزە سەربازیەکانی خۆی لە باکووری ئێراق . پرسێک کە لە ساڵ و نیوێک بەرلەوە بووەتە هۆی بە دی هاتنی ناکۆکیەکی زۆر لە نوێان دوو وڵاتدا .
تورکیا گروپێک لە سەربازانی خۆی لە بنکەیەک لە باکووریی مووسڵ بە ناوی ب ەعشیقە جێگیر کردووە و تا ئیستا بە داخوازیەکانی پەیتاپەیتای بەغدا بۆ چوونە دەری ئەو هێزانە لە خاکی ئێراق وڵامی نەرێنی داوەتەوە .
