‌ ئەنجومەنی وەزیرانی عیراق لەکۆبوونەوەی ئەمڕۆیدا پڕۆژە یاسای بودجەی گشتی ٢٠٢٠ی عێراقی پەسند کرد و رەوانەی پەرلەمانی کرد بەمەبەستی پەسندکردنی.

ئەحمەد مەلا تەڵاڵ وتەبێژی سەرۆک وەزیرانی عێراق لە تۆڕی کۆمەڵایەتی "تویتەر" لە نووسینێکیدا ڕایگەیاند" بە مەبەستی رێکخستنی پرۆسەی خەرجکردن و دابینکردنی خەرجییە پێویستەکان بۆ سێ مانگی داهاتووی ئەمساڵ، وەک پابەندی حکوومەت بە بڕیاری پەرلەمان، ئەنجوومەنی وەزیران پڕۆژە یاسای بودجەی گشتی عێراقی بۆ ٢٠٢٠ پەسند کرد و رەوانەی پەرلەمانی کرد".

دوێنێ شێروان میرزا، ئەندامی لیژنەی دارایی پەرلەمانی عێراق ڕایگەیاند" پشکی هەرێمی کوردستان لە رەشنووسی بودجەی ٢٠٢٠ باشە و هەنگاوێکە بەرەو سەقامگیریی پەیوەندییەکانی هەردوو حکوومەتی عێراق و هەرێمی کوردستان".