جەختی وەزیری دەرەوەی عێراق لە سەر ڕۆڵی ئەم وڵاتە و ئێران و وڵاتانی عەرەبی لە مەڕ پاراستنی ناوچەی کەنداوی فارس
وەزیری دەرەوەی عێراق لە سەر گرینگایەتیی ڕۆڵی ئێران و عێراق و وڵاتانی عەرەبی دەڤەری کەنداوی فارس لە مەڕ پاراستنی ناوچەکە پێی داگرت.
«فۆئاد حسەین» ئێوارەی ڕۆژی پێنج شەممە لە وتووێژێکدا لەگەڵ کەناڵی ئەلجەزیرە ڕایگەیاند: تاقمی تیرۆریستی داعش بە دەستەڵاتەوە لە ھێندێک لە ناوچەکانی عێراق خەریکی جم و جوڵەو ئەم ھەڕەشە نێوخۆییە ھێشتاش ھەر نەڕەویوەتەوە.
ناوبراو وتیشی: بەردەوامیی ناکۆکی لە نێوان وڵاتانی قەراخی کەنداوی فارس شوێن لە سەر دۆخی ئاسایشتی و نێوخۆیی لە عێراق دادەنێت.
«فۆئاد حسەین» بە دەربڕینی ئەمەی کە پەیوەندیی عێراق لەگەڵ وڵاتانی عەرەبی دەڤەری کەنداوی فارس و ئێران نەگۆڕە، وتیشی: تێگەییشتنی ئێمە لەم پەیوەندییە لەگەڵ تێگەییشتنی ڕۆژئاوا جیاوازە.
وەزیری دەرەوەی عێراق وتیشی: ئێران و وڵاتانی عەرەبی دەڤەری کەنداوی فارس و عێراق دەتوانن ڕۆڵێکی گرینگ لە مەڕ پاراستنی ناوچەکە بگێڕن.
وتیشی: ھاوکاری لەگەڵ وڵاتانی عەرەبی دەڤەری کەنداوی فارس بەشێکە لە سیاسەتی عێراق و نزیکایەتی و پەیوەندی لەگەڵ عەرەبستان کاریگەرییەکی ئەرێنیی دەبێت.
«فۆئاد حسەین» وتیشی: ئێمە پێویستمان بە ڕەوشتێکی ئاسایشتیی ھاوبەشە لە کەنداوی فارس دا و ئەمەش پێویستمەندی بوونی پەیوەندییەکی ئاساییە لەنێوان وڵاتان بۆ چارەسەرکردنی گرفتەکان.
