ئەندامی لیژنەی پەیوەندییە دەرەوەییەکانی پەرلەمانی عێراق ڕایگەیاند، ئەو لیژنە بەنیازە پێشنیازێک بەمەبەستی کەمکردنی ژوماری کارمەندانی دیپلۆماتیک و ئیداریی باڵیۆزخانەی ئەمریکا پێشکەشی حکومەتی عێراق بکات.

پاش ڕاگەیێندرانی کۆتاییهاتنی ئەرکی "هاوپەیمانیی نێودەوڵەتیی" بەسەرکردایەتی ئەمریکا لە عێراق، جم و جۆڵی سیاسی لەلایەن گرووپ و لایەنە عێراقییەکانەوە بەمەبەستی کەمکردنەوەی قەبارەی باڵیۆزخانەی ئەمریکا لە بەغدا زیادی کردووە شیاوی ئاماژەیە باڵیۆزخانەکە لە شوێنێک بە ڕووبەری چل و دوو هێکتاردا هەڵکەوتووە و ئامانج لێی گۆڕینی باڵیۆزخانەکەیە بۆ نوێنەرایەتییەکی ئاسایی و پەیڕەوکردنی پرەنسیپی "مامەڵەی هاوشێوە"یە دوای کشانەوەی هێزەکانی هاوپەیمانان تاوەکو تەنیا کاری دیپلۆماسی ئەنجام بدەن.

موختار یوسف، ئەندامی لیژنەی پەیوەندییەکانی دەرەوەی پەرلەمان ڕایگەیاندوە کە لیژنەکە بەنیازە پێشنیازێک بێنێتەئاراوە کە بەهۆیەوە حکومەت و وەزارەتی دەرەوە ئەرکمەند بکا بە هەوڵدان لەپێناو کەم کردنەوەی ژوماری فەرمانبەرانی دیپلۆماتیک و ئیداریی باڵیۆزخانەی ئەمریکا.