ڕێکخراوی هەواڵگریی عێراق دەستگیرکردنی شەش تیرۆریستی داعش و دۆزینەوەی زیاتر لە سێسەدو پەنجا گوللە هاوەن لە پارێزگای نەینەوای ڕاگەیاند.

ڕێکخراوی هەواڵگریی عێراق ڕۆژی چوارشەممە ڕایگەیاند، یەکینەکانی ڕێکخراوی هەواڵگری و لێکۆڵینەوەی فیدراڵی بە پشتبەستن بە زانیاریی ورد، شەش تیرۆریستی داعشیان لە پارێزگای نەینەوا دەستگیر کرد.

رێکخراوی  هەواڵگریی  عێراق  راشیگەیاند : لەم  هەڵمەتەدا و بە پێی  زانیاری و  بەڵگەنامەکان  کە  یەکینەکانی ئەم  رێکخراوەیە  لە  تیرۆریستانی  دەسگیرکراوی  وەدەست هێناوە، ناسناوەکان و ئەو ئەرکانەی پێیان سپێردراوە دیاریکران و سێسەد و پەنجا گولە هاوەن دۆزرانەوە و دەستیان بەسەردا گیرا.

حەوتەی ڕابردووش لە شەڕێکدا لەگەڵ هێزەکانی دژەتیرۆری ئەو وڵاتە لە «وادی ئەلشا»ی  سەر بە پارێزگای کەرکوک چوار تیرۆریستی داعش کوژران.

شایانی باسە بەمەبەستی دڵنیابوون لەوەی کە داعش و ئەندامە هەڵاتووەکانی سەرهەڵنەدەنەوە، هێزە ئەمنییەکانی عێراق بەردەوامن لە گەڕان و پاکتاوکردن و ڕاوەدوونانی پاشماوەکانی داعش لەسەرتاسەری وڵاتدا.