میدالیای زێڕی «موختاری» لە زۆرانی فەرەنگیی پاڵەوانەتیی ئاسیا
نیسان 20, 2022 19:54 Asia/Tehran
زۆرانگری کێشی ٧٢ کیلۆگرامی ئێران لە دواکێبەرکێی فەرەنگیی پاڵەوانەتیی ئاسیا خەنیمێکی لە کازاخستان بەزاندو بوو بە پاڵەوانی ئاسیا.
کێبەرکێی پێنج کێشی دووھەمی کێبەرکێکانی زۆرانی فەرەنگیی پاڵەوانەتیی ئاسیا ڕۆژی چوارشەممە لە شاری «ئۆلان باتور»ی مەنگۆلیا دەستی پێ کرا.
«موحەممەد ڕەزا موختاری» لە کێشی ٧٢ کیلۆگرام بۆ بردنەوەی میدالیای زێڕ بۆ «ئابیلخان ئامزی ئۆف» لە کازاخستانەوە چووە مەیدانەوەو بە دەرەنجامی چواربە یەک خەنیمە کازاخەکەی خۆی بەزاندو لە سەکۆی یەکەمی ئاسیادا وەستا.
«مەھدی بالی»ش لە کێشی ٩٧ کیلۆگرام بۆ بردنەوەی میدالیای زێڕ بۆ «ڕوستەم ئاساکۆلۆف» لە ئوزبەکستانەوە چووە مەیدانەوە.
«مەھدی حسەین نەژاد»یش لە کێشی ٦٠ کیلۆگرام بووبە جێگری پاڵەوان.
