ئەندامێکی سەرکردایەتی حەماس ڕایگەیاند کە هێرشی خۆڕاگری بۆسەر تلاویڤ شاهیدێکە لەسەر شکستی داگیرکەران لە بواری وەدی نەهاتنی ئامانجەکانیان لە شەڕەکەی غەزەدا.

سامی ئەبوو زوهری ڕایگەیاند هیچ بژارەیەک لەبەرامبەری ئەمریکادا نیە جگە لە زەختو گوشار خستنە سەر داگیرکەران بۆ ڕاگرتنی ئەو شەرە بوونی نیە.

ئەبوو زوهری وتی هێرشکردنە سەر تلاویڤ پەیامێکە بۆ ئەو داگیرکەرانە سەبارەت بەوەی کە خۆڕاگری هێزمەندو یەکڕێزەو دەسکەوتەکانی خۆڕاگری دەبێتە هۆی بەهێزبوونی هەڵوێستی شاندی وتووویژکار و ڕێگە لە داسەپاندنی مەرجە بەسەرمان دا دەگرێ.

ناوبراو وتی: ئێمە پێداگرین لەسەر مەرجەکەمان کە داگیرکەران دەبێ بەتەواوی لە کەرتی غەزە پاشەکشە بکەن و ئەو شەڕەش ڕابگرن.

ئەبوو زوهری هاوکات وتیشی کە هێچ هەواڵێکی نوێ سەبارەت بە ئاگربڕ نیە.