تەندروستی هەرێم ئاماری 24 کاتژمێری تایبەت بە کۆرۆنای راگەیاند
وەزارەتی تەندروستی هەرێمی کوردستان رایگەیاند، لە 24 کاتژمێری رابردودا 658 توشبوی نوێی کۆرۆنا لە هەرێمی کوردستان تۆمارکراون و 20 توشبووش گیانیان لەدەستداوە، کۆی گشتی توشبوانی پەتاکەش گەیشتە 20 هەزار و 660 کەس.
وەزارەتی تەندروستی هەرێمی کوردستان لە راگەیەنراوێکدا رایگەیاند، لە 24 کاتژمێری رابردودا 658 توشبوی نوێی کۆرۆنا لە هەرێمی کوردستان تۆمارکراون کە بە گوێرەی پارێزگاکان بەم جۆرە بووە، هەولێر 443 توشبو، سلێمانی 128 توشبوو، گەرمیان 20 توشبو و لە دهۆکیش 67 توشبووی نوێ تۆمارکراوە.
ئەوەش هاتوە، لەو ماوەیەدا 179 توشبوی پەتاکە چاکبوونەتەوە و 20 توشبوش گیانیان لەدەستداوە کە بە گوێرەی پارێزگاکان بەمشێوەیە بوە، هەولێر 13 کەس، سلێمانی 6 کەس و لە ئیدارەی گەرمیانیش توشبوویەک گیانی لەدەستداوە.
تائێستا لە هەرێمی کوردستان 20 هەزار و 660 کەس توشی کۆرۆنا بوون، لەو ژمارەیەش 11 هەزار و 207 کەس چاکبوونەتەوە و 732 توشبوش گیانیان لەدەستداوە.
