هێرشی تیرۆریستیی داعش لە سووریا ٤ کوژراو و ١٠ برینداری لێ کەوتەوە
تیرۆریستانی داعش لە ناوەڕاستی سووریا بە تەقەکردن بەرەو خەڵکی ناوچەکە، چوار کەسیان کوشت و ١٠ کەسی دیکەشیان بریندار کرد.
بەگوێرەی ڕاپۆرتی ئاژانسی هەواڵدەریی فەرمی سوریا (سانا)، تیرۆریستانی داعش پێش نیوەڕۆی ڕۆژی یەکشەممە لە باشووری شاری تەدمۆر لە ڕۆژهەڵاتی پارێزگای حومس چوار دانیشتووی ناوچەکەیان کوشت کە ژنێکیان تێدایە و ١٠ کەسی دیکەشیان بریندار کرد.
بریندارەکان بۆ نەخۆشخانەی حومس گواستراونەتەوە و باس لەوە دەکرێت کە باری تەندروستی هەندێکیان شپرزەیە.
لە لایەکی دیکەوە، هێزەکانی سوپاو هێزە ئەمنییەکانی سوریا ناوبەناو ھەڵمەتی پاککردنەوەی چیاکانی پارێزگای حومس و ناوچەکانی باشووری ڕەقە و ناوچە سنوورییەکانی عێراق لە پارێزگای دێرەزوور ئەنجام دەدەن.
قەیران لە سوریا لە ساڵی ٢٠١١ بە هێرشێکی بەرفراوانی تاقمە تیرۆریستییەکان کە لە لایەن عەرەبستان و ئەمریکا و هاوپەیمانەکانیانەوە پاڵپشتی دەکرێن بۆ گۆڕینی هاوکێشەکانی ناوچەکە بە قازانجی ڕژێمی زایۆنی دەستی پێکرد.
