سەرۆک وەزیرانی سووریا :ئەزموون و توانای پێویستمان هەیە بۆ ڕووبەڕوو بوونەوە لەگەڵ بارودۆخی نائاسایی
سەرۆک وەزیرانی سوریا وتی: حکومەتی ئەم وڵاتە ئەزموون و توانای پێویستی هەیە بۆ ڕووبەڕوو بوونەوە لەگەڵ بارودۆخی نائاسایی و پێشهاتەکان کە بەهۆی پەلاماری گرووپە تیرۆریستیەکانی سوریا بۆ سەر ژمارەیەک لە شار و ناوچە کان دروست بووە.
بەگوێرەی ڕاپۆرتی سانا، محەمەدی جەلالی، سەرۆکوەزیران و سەرۆکی ئەنجومەنی وەزیرانی سوریا لە کۆبوونەوەیەکی بەپەلەدا جەختی لەوە کردەوە کە حکومەت کۆبوونەوەیەکی بۆ تاوتوێکردنی سیاسەت و ستراتیژی و پلانەکان ئەنجام نادات؛ چونکە لە ئێستادا حکومەت یەک سیاسەت و یەک ئامانجی هەیە، ئەویش پشتیوانیکردنە لە خۆڕاگری سوپا و هێزە چەکدارەکان و دابینکردنی هەموو ئاسانکاری و پشتیوانی و بۆ برا ئاوارە ناوخۆییەکانی ناو پارێزگاکان بەهۆی پەلاماری گروپە تیرۆریستییەکانەوە. هەر لەم دانیشتنەدا وەزیرانی کابینەی سوریا جەختیان لەوە کردەوە کە ئەم وڵاتە لە هەلومەرجێکی دژوارتر و ئاڵۆزتر تێپەڕیوە و بە وریایی سەرۆک کۆمار بەشار ئەسەد و خۆڕاگری و بەهێز و دەسەڵاتی دامودەزگاکانی حکومەت توانیویەتی بەرەو سەقامگیری زیاتر هەنگاو بنێت . هەروەها ژمارەیەک لە وەزیرانی سوریا لەم دیدارەدا جەختیان لەوە کردەوە کە بەشێک لەو شەڕەی کە ئێستا سوریا ڕووبەڕووی بووەتەوە، شەڕی دەروونی میدیاکانە، کە ئامانج لێی کاریگەری لەسەر ورەی خەڵکە و لەلایەن ئەو وڵاتانەوە بە دی هاتووە کە پشتیوانی گروپە تیرۆریستییەکان دەکەن.
