شەڕی دەسەڵات لە کەمپی داعشییەکان
نیسان 27, 2025 15:29 Asia/Tehran
سەرچاوە ئاگادارەکان لە تۆماری دەیان حاڵەتی کوشتن و ڕفاندن لە نێو کەمپی هۆل لە سووریا لە نێوان مەترسیدارترین ئەندامانی داعشی هەواڵیان دا.
سەرچاوە ئاگادارەکان هەواڵیان دا کە کەمپی هۆل کە مەترسیدارترین ئەندامانی داعش لە سووریای تێدایە، لە ئەم مانگەدا 16 حاڵەت کوشتن و 30 حاڵەتی ڕفاندنی مرۆڤی تێدا تۆمار کراوە.لانیکەم 15 ژنی سەر بە داعش لە ئەو کەمپە ڕفێندراون.
سەرچاوە ئاگادارەکان زیادیان کرد کە بنەماڵەی سەرکردە داعشییەکان لە نێو ئەو کەمپە بۆ بنکەی تیرۆریستەکان لە حومس و دێرەزوور دەگوازرێنەوە.
کەمپی هۆل لە ئێستادا لەلایەن ئەندامانی ئۆزبەکستانی و تورکی داعشەوە ئیدارە دەکرێت.
