سەرچاوە هەواڵییەکانی سووریا باسیان کرد لە درێژەی دەسدرێژکارییەکانی ڕژێمی زایۆنیستی بۆ سەر خاکی ئەو وڵاتە و ڕ ایانگەیاند کە زایۆنییەکان درێژە ئەدەن بە سیاسەتی دەسدرێژکارانە و پێشێلکردنی ڕێککەوتننامەی ئاگربڕ.

سەرچاوە سووریاییەکان ئەمڕۆ ڕایانگەیاند سەربازانی داگیرکەری  زایونیستی  بە تڕوموبیلگەلی سەربازی گەیشتنە ناو خاکی سووریا و لە بەرزایی تەپۆڵکەی ئەبووقوبەیس هەڵکەوتوو لە باشووری  قونەیتەرە جێگیر بوون . هەواڵدەری فەرمیی سووریاش ڕایگەیاند ڕژێمی  زایونی بە دەسدرێژی بۆ سەر ناوچە گوندنشینەکانی قونەیتەرە و دەرعا و پەلامار بو سەر هاووڵاتیان درێژە ئەدەن بە سیاسەتی دەسدرێژکارانە و پێشێل کردنی  ڕێککەوتنی ئاگربڕی ١٩٧٤ . لە پەلامارەکانی  ڕۆژی هەینی  ڕژێمی زایونیستی بو سەر شاروچکەی بەیت جن  لە دەورووبەری دیمەشق لە تێکهەڵچونی  نێوان   دانیشتوانی  ئەو شاروچکە لە گەڵ چەکدارانی ڕژێمی زایونی   سێزدە کەس لە هاووڵاتیانی سووری  شەهید و زیاتر لە  بیست کەسی دیکەش بریندار بوون .