عێراقچی : ئێران داکۆکی دەکا لە پاراستنی یەکپارچەیی خاک و سەروەریی ئێراق
یاریدەری مافەوانی و نێودەوڵەتیی وەزیری دەرەوەی ئێران رۆژی هەینی لەدانیشتنی هاواهەنگیی وەزیرانی دەرەوەی وڵاتانی ئەندامی ڕێکخراوی هاوکاریی ئیسلامی(OIC ) لە نیۆیۆرک پێی داگرت؛ کۆماری ئیسلامیی ئێران داکۆکی دەکات لەپاراستنی یەکپارچەیی خاک، سەروەریی و یەکڕیزیی نیشتمانیی ئێراق لە چوارچێوەی یاسای بنەڕەتیی ئەو وڵاتەدا.
ژمارێک لە پارتەکانی ناوچەی کوردستانی ئێراق حەوتەمی ژوەنی ڕابردوو لە کۆبوونەوەیەکدا بە ئامادە بوونی مەسعوود بارزانی سەرۆکی هەرێمی کوردستان دەنگیان دا بە بەڕێوەچوونی گشتپرسی جیا بوونەوەی ناوچەی کوردستان لە ئێراق لە ٢٥ی سێپتەمبەری ٢٠١٧. کە لەگەڵ نەیارەتی لێبڕاوانەی حکومەتی ناوەندی، گرووپ و لایەنە جیاجیا ئێراقییەکان و وڵاتانی ناوچەو جیهان بەرەوڕوو بووە.
بەم حاڵەشەوە، مەسعوود بارزانی سەرۆکی هەرێمی کوردستانی ئێراق داوای لە کوردەکان کردووە بەشداری ئەو کۆپرسییە بن.
سەیید عەبباس عێراقچی هەروەها لەو دانیشتنەدا کە هەموو ساڵێک لەپەراوێزی دانیشتنی کۆگەی گشتیی ڕێکخراوی نەتەوەکان بەڕێوە دەچێ، ئاماژەی کردە تاوانکارییەکانی سوپاو بوداییانی میانمار لەدژ موسڵمانانی رۆهینگیایی و وتی: کۆماری ئیسلامیی ئێران خوازیاری ڕاگرتنی خێرای تاوانکاریی لەمیانمارە. عێراقچی کوشت و بڕی موسڵمانانی رۆهینگیایی بە چەشنێک پاکتاوکردنی ڕەگەزیی وەسف کرد.
لە رۆژی هەینی٢٥ی ئاگۆستەوە تائێستا لەشەپۆلی نوێی پەلاماری سەرکوتکارانەو دەسدرێژکارانەی سوپای میانمار بۆسەر موسڵمانانی رۆهینگیا لە پارێزگای راخین هەڵکەوتوو لە ڕۆژاوای ئەو وڵاتە، زیاتر لە شەش هەزار کەس کوژراون و هەشت هەزارکەسیش بریندار بوون. دەیان هەزار کەس لە موسڵمانانی رۆهینگیاش ناچار بوون بەرەو بەنگلادش هەڵێن.
پارێزگای راخین لەساڵی٢٠١٢وە شایەتی پەلامارەکانی سوپای میانمار و بوداییە توندڕەوەکان لەدژ موسڵمانانی رۆهینگیایە. یەک ملوێن موسڵمانی رۆهینگیا لە مافی شارومەندیی لەمیانمار بێ بەشن.
