جەخت لە بەھێزکرانی ھاوکاریی ئابووریی ئێران و سویید دەکرێتەوە
تشرینی یه‌که‌م 16, 2020 19:44 Asia/Tehran
باڵوێزی ئێران لە ستۆکھۆڵم و جێگری وەزیری پیشەسازیی سویید جەختیان کرد لە سەر بەھێزکرانی ھاوکاریی ئابووریی نێوان دوو وڵات.
بە پێی ڕاپۆرتس ئیرنا، لە دیداری ڕۆژی ھەینیی «ئەحمەد مەعسومی فەڕ» باڵوێزی ئێران لە ستۆکھۆڵم و «ئیمیل ھوک بێرگ» جێگری وەزیری پیشەسازی و کۆمپانیاو داھێنانەکانی سویید، ھەردووک لا ڕێگاکانی گەشە پێدانی پەیوەندییە ئابووری و بازرگانییە دوو قۆڵییەکانیان لێک دایەوە.
«مەعسومی فەڕ» و«ھوک بێرگ» ھەروەھا پێیان داگرت لە سەر ھێزمەند کردنی ھاوکاریی کۆمپانیاکانی ئێران و سویید، بە تایبەت کۆمپانیا چکۆلەو مام ناوەندییەکان لە بوارەکانی تەکنۆلۆژیا، داھێنان، گواستنەوەو ژینگە و ھەروەھا بەڕێوەچوونی کومیسیۆنی ھاوبەشی ئابووری لە داھاتوویەکی نزیک دا.
