بومەلەرزەیەک بە گوڕی 5 پلە باکووری ڕۆژئاوای ئێرانی هەژاند
ئادار 16, 2023 20:01 Asia/Tehran
بوومەلەرزەیەک بە گوڕی پێنج بە پێوەری ڕیختەر شاری خوی لە پارێزگای ئازەربایجانی ڕۆژئاوا ھەڵکەوتوو لە باکووری ڕۆژئاوای ئێرانی هەژاند.
بەپێی ڕاپۆرتی ئیرنا، بە پشتبەستن بە پەیمانگای بومەلەرزەزانیی زانکۆی تاران، بوومەلەرزەی خوی کە لە بەشێکی ئەو پارێزگایەو بە تایبەت شاری ورمێ هەستی پێکراوە، کاتژمێر ١٥:١٧ ڕۆژی پێنجشەممە بە قوڵایی ١٦ کیلۆمەتر ڕووی داوە.
پێشتریش ٢٨ی ژانویە بوومەلەرزەیەک بە گوڕی ٥.٩ پلە شاری خوی لە پارێزگای ئازەربایجانی ڕۆژئاوای ئێرانی هەژاند و بەهۆیەوە سێ کەس گیانیان لەدەست دا و نزیکەی هەزار کەسیش برینداربوون.
