ئەمیر عەبدوڵڵاهیان: ڕەوتی جێبەجێکردنی ڕێککەوتنەکان لەگەڵ عوممان خێرا بووەتەوە
وەزیری دەرەوەی کۆماری ئیسلامیی ئێران؛ جەختی لەوەش کردەوە: ڕەوتی جێبەجێکردنی ڕێککەوتنەکان لەگەڵ عوممان خێرا بووەتەوە.
«حسێن ئەمیرعەبدوڵڵاهیان» وەزیری دەرەوەی ئێران ڕۆژی (چوارشەممە) سەبارەت بە دەستکەوتەکانی سەفەری دوو ڕۆژەی بۆ عوممان وتی: پێشکەوتنی گەورەمان لە بواری وزەدا بەدەستهێناوە و هاوکارییەکانمان لە گەشەکردندایەو بە لای باشی دا دەڕوات.
«ئەمیر عەبدوڵڵاهیان» وتیشی: هەردوو کەرتی گشتی و تایبەت لە هەردوولا چالاک بوون و باڵوێزو دیپلۆماتکاران لە تاران و مەسقەت ڕێوشوێنی کاریگەریان لە هەردوولا گرتووەتە بەر.
وەزیری دەرەوەی ئێران هەروەها وتی: یەکێک لەو پرسانەی لەم سەفەرەدا لەسەری کۆکین ئەوەیە کە بە لەبەرچاوگرتنی پێگەی ژیۆپۆلۆتیکی کۆماری ئیسلامیی ئێران لە ڕووی ترانزێت و ڕێککەوتنی ترانزێتیی «عیشق ئاباد»ەوە کە لە عوممانەوە دەست پێدەکات و لە ئێرانەوە ھەتا ئاسیای ناوەڕاست درێژ دەبێتەوە ، ھەرچی خێراتر جێبەجێی بکەین.
وەزیری دەرەوە، لە درێژەی گەشتە ناوچەییەکانیدا، ئەمڕۆ لە شاری مەسقەتەوە بەرەو بەیروت بەڕێکەوت.
