زانایانی ئەهلی سوننەی کوردستان سووکایەتی بە قورئانیان ئیدانە کرد
پێش نوێژی هەینی و زانایانی بەناوبانگی ئەهلی سوننەی کوردستان لە لێدوانێکدا سووکایەتی بە قورئان لە سویدیان ئیدانە کرد و سووتاندنی قورئانیان نیشانەی پیلانی ئیسلام فۆبیا وەسف کرد
نوێنەری خەڵکی کوردستان لە مەجلیسی خوبرەکان لەو پێوەندییەدا وتی: سووتاندنی قورئان مەترسیدارە و نیشانەی ترساندن ل ئیسلامە و ناتوانێت لە چوارچێوەی ئازادی ڕادەربڕین پێناسە بکرێ.
پێش نوێژی هەینی شاری سنەش لەو بارەوە بە ئاماژە بە سووکایەتی بە قورئان لە سوید وتی: سووتاندنی قورئان کردەوەیەکی قێزەوەن و نەشیاو و نامرۆڤانەیە و ئێمە ئەو کردەوەیە ئیدانە دەکەین.
عەبدولڕەحمان خودایی مامۆستای ئایینی ڕایگەیاند:دوژمن لە هەر کوێ شکۆ و هەیبەتی ئیسلام دەبینێت، تێدەکۆشێت بیڕووخێنێت. بەدڵنیاییەوە سووکایەتی بە قورئان قبووڵ نەکراوەیە.
مامۆستا مستەفا شیرزادی پێش نوێژی هەینی مەریوانیش وتی: ئەمە یەکەم جار نییە کە سووکایەتی بە پیرۆزییەکانی ئیسلام دەکرێت و ئەوە نیشانەی هێزی ئیسلام و پەرەسەندنی فەرهەنگی ئیسلامی لە ئەورووپایە.
هەروەها وتیشی: سووکایەتی بە پیرۆزییەکانی ئیسلام نیشانەی ئازادی ڕادەربڕین نییە
