باقری: وڵاتانی ئیسلامی نابێ کەمتەرخەم بن لە یارمەتیدانی خەڵکی غەززەدا
بەرپرسی وەزارەتی دەرەوەی ئێران وتی: هاوکاری و یەکگرتنەوەی وڵاتانی ئیسلامی، توانا و پوتانسییەلێکی گرینگ و کارتێکەر ساز دەکات بۆ پاڵپشتی کردنی خەڵکی مەزڵوومی غەززە.
"عەلی باقری" لە وتووێژێکی تەلەفوونیدا لەگەڵ "هاکان فیدان" وەزیری دەرەوەی تورکیا بە ئاماژە بە بەڕێوەچوونی کۆبوونەوەی وەزیرانی دەرەوەی گرووپی هەشتی وڵاتانی ڕوو لە گەشەی موسڵمان لە ئەستەموڵ، هیوای خواست لە پەراویزی ئەم کۆبوونەوەیەدا وتووێژ و راوێژی نێوان دوو ولات سەبارەت بە پرسەکانی دڵخوازی دوولایەن بەڕێوە بچێ.
عەلی باقری هەروەها پێیداگرت: پەلاماردانی ڕەفەح و داخرانی ئەم دەروازە سنوورییە، پێشگری بە هاتووچۆی ئۆتۆمبیل و لۆرییەکانی هەڵگری یارمەتیی مرۆڤدۆستانە بۆ خەڵکی غەززە، لایەنێکی دیکەی جەنایەتەکانی ڕژێمی خوێنڕێژ و خوێنمژی زایۆنییە.
"هاکان فیدان" وەزیری دەرەوەی تورکیایش لەم وتووێژە تەلەفوونییەکدا بە سەرلەنوێ سەرەخۆشی کردنی شەهید بوونی سەرۆک کۆمار و وەزیری دەرەوەی ئێران، پێیشیداگرت لە سەر پێویستیی هەواهەنگیی نێوان وڵاتانی ئیسلامی سەبارەت بە مەسەلەی فەلەستین و ڕایگەیاند: پێشنیارەکەی کۆماری ئیسلامیی ئێران سەبارەت بە بەڕێوەچوونی کۆبوونەوەی نائاسایی ڕێکخراوی هاریکاری ئیسلامی گەلێک پڕبایەخە. وەزیری دەرەوەی تورکیا بەردەوام بوونی وتووێژ و راوێژەکانی نێوان ئانکارا و تاران سەبارەت بەم بابەتە و پرس و بابەتی گرینگی دیکەی دوولایەنە و ناوچەیی بە یەکجار گرینگ و بنیاتنەر زانی.
