دیداری ڕاوێژکاری باڵای ڕێبەری مەزنی شۆڕش لەگەڵ کاربەدەستانی لوبنان
ڕاوێژکاری باڵای ڕێبەری مەزنی شۆڕشی ئیسلامیی ئێران پێشنیوەڕۆی ئەمڕۆ لە سوریاوە گەیشتە بەیرووت و لەگەڵ سەرۆکەزیرانی لوبنان دیدار و وتووێژی کرد.
عەلی لاریجانی ڕاوێژکاری باڵای ڕێبەری مەزنی شۆڕشی ئیسلامیی ئێران بە مەبەستی دیدار و وتووێژ لەگەڵ کاربەدەستانی لوبنانی سەرلەبەیانی ئەمڕۆ گەیشتە بەیرووتی پێتەختی ئەم وڵاتە و لەگەڵ نەجیب میقاتی سەرۆک وەزیرانی لوبنان دیدار و وتووێژی کرد. دوو لایەن لەم دیدارەدا سەبارەت بە باروودۆخی لوبنان و ناوچەکە بیر و ڕایان گۆڕییەوە.
ڕاوێژکاری باڵای ڕێبەری مەزنی شۆڕش هەروەها لەگەڵ نەبیە بێری سەرۆک پەرلەمانی لوبنانیش دیداری کرد. لەم دیداردا کە ئەمڕۆ لە باڵاخانەی ئۆفیسی سەرۆک پەرلەمانی لوبنان بەڕێوەچوو، دوولایەن باروودۆخی ناوچەکە و لوبنانیان خستە بەر باس و لێکدانەوە.
بڕیارە عەلی لاریجانی لەم سەفەرەدا جگە لە دیدار لەگەڵ کاربەدەستانی لوبنان ، لەگەڵ ژمارێک لە نوێنەران، سەرانی پارتەکان و کەسایەتییە بەناوبانگە سیاسییەکانی ئەم وڵاتەیش دیدار و وتووێژی هەبێ.
