سیاسەتی ڕاگرتنی هەناردەی نەوتی ئێرانی شکستی هێناوە
شوبات 09, 2025 18:50 Asia/Tehran
وەزیری نەوتی حکومەتی ئێران بە پێداگرتن لەسەر ناکارامە بوونی بایکۆتەکان وتی: سیاسەتی گەیاندنە سفری ئاستی هەناردەی ئێران شکست هێناوە و دیسانیش هەر تووشی شکست دەبێ.
موحسەن پاک نژاد بە پێداگری لەسەر لێهاتوویی پسپۆڕانی پیشەسازیی نەوتی ئێران وتیشی: فەرمانبەرانی ئەم پیشەسازییە لە بەرهەمهێنان تا هەناردە تەگبیری پێویست دەگرنەبەر، هەرچەندەش بەرتەسکییەکان زیاتر بکرێ، ڕێکارەکانی ئێمەش بەهێزتر و ئاڵۆزکاوتر دەبن.
وەزیری نەوتی ئێران لە کۆتاییدا ڕاشکاوانە ڕایگەیاند: ڕاگرتنی هەناردەی نەوتی ئێران خەونێکی دوورەدەستە کە هەرگیز نایەتەدی.
