سەرۆکی پارتی"وەتەن"ی تورکیا: نابێ پێگەکانمان لەژێرکۆنترۆڵی ئەمریکاو ئیسرائیلدا بن
نیسان 16, 2024 11:00 Asia/Tehran
سەرۆکی پارتی "وەتەن"ی تورکیا وتی: دەبێ دەوڵەتی ئەو وڵاتە، پێگە ڕادارییەکانی "کوڕەجیک" و "ئینجرلیک" بگرێتەژێر چاودێریی و دەسەڵاتی خۆی.
"دۆغو پرینچک" لە دیمانەیەکدا وتی : کۆنترۆڵی پێگەی سەربازیی تورکیا لەلایەن دەوڵەتەوە، بۆ سەربەخۆیی وڵات پێویستەو ئەو پێگانە دەبێ لەژێر چاودێریی و کۆنترۆڵی سوپای تورکیادا بن.
ناوبراو وتی: ئیسرائیل و ئەمریکا لەڕێی کورەجیک، ئێران پێوشوێن دەگرن. نابێ پێگەکانمان لەکۆنترۆڵی بیانییەکاندا و هەڕەشە و جێی مەترسی بۆ ئێران بن.
سەرۆکی پارتی وەتەنی تورکیا هەروەها وتی: تورکیا دەبێ ئەو چاوانەی ئیسرائیل کوێر بکاو بەرامبەر ئێران و فەلەستین ئەمەگدار بێت.
