گیرانی٤١ ترۆریستی داعشیی دیکە لە تورکیا
هێزە ئاسایشییەکانی تورکیا، چل و یەک گومانلێکراوی هاوپێوەند بە تاقمی ترۆریستیی داعشیان قۆڵبەست کرد.
"عەلی یێرلی کایا" وەزیری ناوخۆی تورکیا رایگەیاند، ئەو کەسانە نیوەشەوی ڕابردوو لە چوارچێوەی ئۆپراسیۆنی هاواهەنگی هێزەکانی ڕێکخراوی هەواڵگریی(میت) و پۆلیسی ناسراو بە "ئۆپراسیۆنی بوزدۆغان-٣٤" لە دوانزە پارێزگا قۆڵبەست کراون.
دوو رۆژ لەمەوبەریش، هەشت گومانلێکراوی داعشی لەگەڵ بڕێکی هەرەزۆری ماددە کیمیاییەکان بۆ چێکردنی بۆمب، لە ناوچەی "بیکوز"ی ئەستەمووڵ گیرابوون.
بەقسەی یێرلی کایا ، ئەو کەسانە بەتەما بوون لە رۆژی جیهانیی کرێکاردا، هەوڵێکی ترۆریستیی ئەنجام بدەن.
لە یازدە مانگی ڕابردوودا و لە هەزار و٣٥٧هێرشی ئەنجامگرتوو بەدژ گرووپی ترۆریستیی داعش، سێ هەزار و٢٣٠گومانلێکراوی داعشی قۆڵبەست کران، ٧٠٣گیراو زیندانی کران و٦١٩گیراویش بەبڕیاری کۆنترۆڵی دادەوانیی ئازادکراون و لێکۆڵینەوەی دادەوانی لەبارەی باقی گومانلێکراوانیش بەردەوامە.
