یوونیسف: سەتی شەستی ئاوارەکانی روهینگیایی ،منداڵن
سندووقی منداڵانی نەتەوەیەکگرتووەکان ڕایگەیاند نیزیکەی سەتی شەستی ئاوارە موسوڵمانەکانی روهینگیایی کە ئەم دواییە لە ترسی هەوڵی سەرکوتکارانەی سوپای میانمار پەنایان بۆ بەنگلادش بردووە، منداڵانن.
بەپێی ڕاپۆرتی ئاسۆشێتێدپرێس، یونیسف رایگەیاند: تائێستا زورتر لە 1400 منداڵ ژمێردراون کە بێ دایک و باوکیان لە سنووری میانمار و بەنگلادش تێپەڕیون.
بەپێی ڕاگەیاندنی یونیسف، منداڵانی ئاوارەی روهینگیایی شایەتی کوژرانی ئەندامانی بنەماڵەکانیان و یان سووتێندرانی ماڵەکانیان بووە .
یوونیسف دەڵێت : لە ئوردوگای ئاوارەکان لە بەنگلادشیش ڕەوشەکە ناشیاوە و دەیان هەزار کەس لە شوێنگەلێک دا دەژین کە ئاسایشی پێویستیان نییە و شوێنی شیاو و باش بۆ گەشەی منداڵان نایەتە ئەژمار .
ئەیالەتی راخین لە ڕۆژاوای میانمار لەساڵی 2012 گۆڕەپانی پەلاماری یودائیەکانی توندڕەو بە دژی موسوڵمانانی روهینگیایە .
ئەم پەلامارانە تائێستا هەزاران کوژراو و برینداری لێ کەوتوەتەوە و زۆرتر لە چوارسەد هەزار کەسیش ناچار بوونە ماڵ و حاڵیان بە جێ بێڵن.
